نئی دہلی (مانیٹرنگ ڈیسک )95سال کی عمر میں بھی جوانوں کی طرح چاک و چوبند ، یہ بھارتی بابا سارا دن پراٹھے کھاتا ہے مگر کونسا سا ایسا آسان کام کرتا ہے جس کی وجہ سے آج بھی جوان ہے ؟ جانیں ۔ بھارت میں 95 برس کی عمرمیںچاق و چوبند رہنے والے دھرم پال گلاٹی دنیا کے سب سے

’’جوان‘‘ اور زیادہ تنخواہ دار چیف ایگزیکٹو آفیسر(سی ای او) ہیں۔ بھارتی خبررساں ادارے کے مطابق تقسیم ہند کے بعد پاکستان سے بھارت آنے والے 95 سالہ بزرگ کی ترقی کی کہانی انتہائی دلچسپ ہے۔ دھرم پال گلاٹی نے میڈیا سے گفتگو میں بتایا کہ وہ روزانہ صبح 4 بجے اٹھ کر ورزش کرتے ، پھل فروٹ کھا تے، نہرو پارک میں چہل قدمی کرتے اور پھر دن بھر وقفے وقفے سے پراٹھے کھانے میں گزارتے ہیں جبکہ شام ہوتے ہی دوبارہ سیر کے لئے نکل جاتے ہیں اور رات کو ملائی اور ربڑی نوش کرتے ہیں۔ گلاٹی کا کہنا ہے کہ وہ اس عمر میں بھی خود کو جوان سمجھتے ہیں اور ان کی فٹنس کے باعث انہیں حکومت کی جانب سے پدم بھوشن ایوارڈ سے بھی نوازا جا چکا ہے۔ گلاٹی نے کا کہنا ہے کہ انہوں نے محنت ، اعتماد اور لگن کی بدولت صرف 1500روپے سے کاروبار شروع کیا اور آج اسے 2 ہزارکروڑ روپے تک پہنچا چکے ہیں۔ انہوں نے کہا کہ وہ محبت کے بھو کے ہیں جب بچے اور نوجوان ان سے ملاقات کرنے کے بعد ان کے ساتھ سیلفی بنواتے ہیں تو بہت اچھا لگتا ہے۔ دھرم پال گلاٹی آجکل’’مصالحوں کے بادشاہ‘‘ ’’اصلی مصالحے سچ سچ‘‘ کے ٹی وی اشتہار میں بھی دیکھے جاسکتے ہیں۔ واضح رہے کہ وہ 27 مارچ 1924ء کو پاکستان کے شہر سیالکوٹ میں پیدا ہوئے اور 1942ء کو تقسیم ہند کے بعد امرتسر اور وہاں سے اہل خانہ کے ہمراہ دہلی میں رہائش پذیر ہوئے۔

موضوعات:بھارتی بابا