اسلام آباد (مانیٹرنگ ڈیسک)اٹلی میں اپنا گھر وہ بھی سوا روپے میں خریدیں، حیرت انگیز آفر نے سب کو حیران کر دیا۔ تفصیلات کے مطابق اٹلی کے ایک گائوں الولئی میں 200گھر فروخت کئے جا رہے ہیں اور ان میں سے ہر گھر کی قیمت صرف سوا روپے ہے۔ گھروں کی انتہائی کم قیمت کی وجہ سے یہ ہے کہ گائوں کے لوگ تیزی سے شہروں کی جانب نقل مکانی کر رہے ہیں اور کچھ عرصہ قبل تک اس کی آبادی 2ہزار 250نفوس پر مشتمل تھی

جو اب صرف 1300رہ گئی ہے اور انتظامیہ اس گاؤں کو ’بھوت گاؤں‘ بننے سے بہرصورت بچانا چاہتی ہے۔ان گھروں کی قیمت کم ہونے کی ایک وجہ یہ بھی ہے کہ یہ گھر انتہائی خستہ حالت میں ہے اور انتظامیہ کا کہنا ہے کہ جو شخص بھی گھر کو خریدے گا اس پر اس کی تزئین و آرائش اور مرمت لازمی ہو گی جس پر اندازاً 26ہزار پاؤنڈ (تقریباً 41لاکھ روپے) خرچ آتا ہےجبکہ خریدار پانچ سال سے پہلے گھر فروخت بھی نہیں کر سکیں گے۔