لندن(این این آئی) برطانوی شہزادے ہیری کی منگیتر امریکی خاتون فن کار میگن میرکل نے برطانوی ملکہ الزبتھ کو تحفے کے طور پر ایک گانے والا ہیمسٹر (چْوہا) کھلونا پیش کیا جس پر ملکہ ہنس ہنس کر لوٹ پوٹ ہو گئیں۔ملکہ الزبتھ نے 36 سالہ سانولی سلونی میگن کے تحفے کو سراہا اور کہا کہ میں سمجھتی ہوں کہ یہ میرے کتوں
کے لیے ایک اچھا ساتھی ثابت ہو گا۔میڈیارپورٹس کے مطابق ڈوک آف کیمبرج کیٹ میڈلٹن نے خاص طور پر ملکہ کے لیے تیار کی جانے والی مٹھائی پیش کی۔یاد رہے کہ شاہی خاندان سال گرہ کے موقع پر عادتا ایک دوسرے کے لیے ظریفانہ نوعیت کے تحائف خریدتا ہے۔ اس لیے کہ خاندان کے تمام ہی افراد کے پاس قیمتی اشیاء موجود ہیں اور انہیں اس نوعیت کی اشیاء کی مزید ضرورت نہیں۔
