بیجنگ (مانیٹرنگ ڈیسک)چین کے معروف سٹنٹ مین جس کے سوشل میڈیا پر صارفین کی تعداد ہزاروں میں ہے گزشتہ روز 62 منزلہ عمارت سے سٹنٹ دکھاتے ہوئے ہاتھ سلپ ہونے کی وجہ سے موت کے منہ میں چلے گئے ۔تفصیلات کے مطابق چینی شہری و ہونگ اپنے چاہنے والؤں کے لیے اونچی عمارت سے لٹک کر کسرت کرنے کا سٹنٹ کرنے کی کوشش کر رہے تھے ۔
عمارت کی دیوار کی اوپری سطح انتہائی ملائم تھی جس کو چینی سٹنٹ میننے کئی بار صاف بھی کیا تا کہ اس پر گرفت مضبو ط کی جاسکے ۔سٹنٹ مین نے 62 منزلہ عمارت سے لٹک کر ناصرف کسرت شروع کر دی بلکہ تھوڑا سا بہتر ہی رہا مگر کچھ لمحوں بعد اس کا ہاتھ پھسلنا شروع ہو گیا ۔ اور آہستہ آہستہ اس کی گرفت ختم ہوتی چلی گئی ، جس کے بعد اس کا ہاتھ اچانک پھسل گیا اور سیدھا زمین پر آگرا ۔اس کے گرنے اور موت کے منہ میں جانے کی ویڈیو سوشل میڈیا پر وائرل ہو گئی ۔
