اسلام آباد (مانیٹرنگ ڈیسک)چار فٹ کا دولہا تین فٹ کی دلہنیا بیاہ لایا۔ تفصیلات کے مطابق لاہور کے رہائشی چار فٹ کا عبدالحمید پھولوں کا کاروبار کرتا ہے جس کی عمر 35سال ہے مگر چھوٹے قد کے باعث ابھی تک رشتہ ازدواج میں منسلک نہ ہو سکاتھا ۔ اب پھولوں کے بیوپاری عبدالحمید کی زندگی میں بھی بہار آ گئی ہے اور وہ تین فٹ کی دولہنیا بیاہ کر لے آیا ہے۔دوسری جانب عبدالحمید کی تین فٹ کی اہلیہ کی کہانی بھی عبدالحمید سے ملتی جلتی ہے جس کو اپنے چھوٹے قد کی وجہ
سے اب تک مناسب رشتہ نہ مل سکا تھا۔ عبدالحمید جب بارات لے کر تین فٹ کی دولہنیا کے لینے پہنچا تو شادی کی تقریب میں اس کی دولہنیا نے ’’آئے ہو میری زندگی میں تم بہار بن کر ‘‘گانا گا کر سب کے دل جیت لئے۔ میڈیا سے گفتگو کرتے ہوئے عبدالحمید کی نئی نویلی دلہن کا کہنا تھا کہ مجھے یقین نہیں تھا کہ میری زندگی میں کوئی دولہا بہار لے کر آئے گا۔ اس موقع پر عبدالحمید اور اس کی دلہن کو تمام رشتہ داروں اور احباب کی جانب سے انہیں دعائوں میں الوداع کیا گیا۔
