نئی دہلی(این این آئی)بھارت میں ریوالور رانی کے نام سے مشہور لڑکی نے اپنی محبت کو پانے کیلئے لڑکے کو گن پوائنٹ پر اغوا کرکے اس کے ساتھ شادی رچا لی۔بھارتی میڈیا کے مطابق ورشا ساہو نامی لڑکی نے ایک لڑکے اشوک یادیو کو شادی کے منڈپ سے گن پوائنٹ پر اغوا کر لیا اوراس سے شادی کر لی ،لڑکی کا کہناتھا کہ یہ دن دیکھنے کے لیے اسے بہت پاپڑ بیلنے پڑے ہیں۔

اشوک اور ورشا گزشتہ 8برس سے ایک دوسرے کو جانتے تھے اور شادی کرنا چاہتے تھے لیکن اشوک کے گھر والوں نے اس کی شادی کہیں اور طے کردی تھی اور اشوک نے بھی اپنے گھر والوں کی مرضی کے آگے گھٹنے ٹیک دیئے تھے؛ تاہم ورشا کو یہ بات بالکل بھی گوارا نہ تھی کہ جس سے وہ محبت کرتی ہے اس سے کوئی اور لڑکی شادی کرلے لہٰذا وہ عین شادی والے دن منڈپ پہنچ گئی اور اشوک کو سب کے سامنے گن پوائنٹ پر اغوا کر کے اپنے ساتھ لے گئی اورشادی رچالی۔