واشنگٹن (این این آئی)دنیا کا تیز ترین سفر کا عالمی ریکارڈ بنانے والی 27 سالہ امریکی خاتون کیسینڈرا ڈیپکول نے کہاہے کہ پاکستان میں اب تک ہونے والی میزبانی خاص طور پر کراچی میں شاندار رہی ٗ ہر کسی کو پاکستان کا دورہ کرنا چاہیے ٗ جسے یہاں کی ثقافت اور کھانے کا لطف اٹھایا جاسکے۔ میڈیا رپورٹ کے مطابق دنیا کا تیز ترین سفر کا عالمی ریکارڈ بنانے والی 27 سالہ امریکی خاتون کیسینڈرا ڈیپکول نے 18 ماہ کے عرصے میں دنیا بھر کے 196 ممالک کا سفر طے کیا۔

کیسینڈرا ڈیپکول نے ان تمام ممالک جہاں کا انہوں نے دورہ کیا، میں سے ٹاپ 10 ممالک کی فہرست ٹیلی گراف ٹریول کو دی اور فہرست میں پاکستان کا نام بھی شامل ہے۔کیسینڈرا ڈیپکول کی فہرست میں پاکستان 5ویں نمبر پر موجود ہے۔امریکی خاتون نے گزشتہ سال پاکستان کا دورہ کیا تھا جس حوالے سے انہوں نے اپنے انسٹاگرام پر ایک پوسٹ بھی کی۔انہوں نے لکھا کہ پاکستان میں اب تک ہونے والی میزبانی خاص طور پر کراچی میں شاندار رہی، پاکستان آنے کے دوران گلف ائیر میں میری نشست کو مفت بزنس کلاس میں اپ گریڈ کیا گیا، جبکہ آئی بی ایم میں طالبعلموں، میئر کراچی وسم اختر سے ملاقاتیں کیں اور پودا لگایا، میرا پاکستان میں وقت اب شروع ہوا ہے جو کہ اس سفر کے تعلیمی اور ثقافتی تجربے کے چند زبردست تجربات میں سے ایک ہے، کسی کتاب کو اس کے رنگ یا کسی ملک کو میڈیا سے جج نہ کریں،میرا پاکستان میں وقت اب شروع ہوا ہے جو کہ اس سفر کے تعلیمی اور ثقافتی تجربے کے چند زبردست تجربات میں سے ایک ہے، کسی کتاب کو اس کے رنگ یا کسی ملک کو میڈیا سے جج نہ کریں، پاکستان کے لیے بہت زیادہ محبت’۔کیسینڈرا ڈیپکول کے مطابق ہر کسی کو پاکستان کا دورہ کرنا چاہیے، جسے یہاں کی ثقافت اور کھانے کا لطف اٹھایا جاسکے۔انہوں نے بتایا کہ انہیں پاکستان کا ویزا حاصل کرنے میں 4 ماہ کا انتظار کرنا پڑا لیکن انہیں اس بات کی کوئی مایوسی نہیں، کیوں کہ پاکستان میں گزارا ہوا ان کا وقت ان کے سفر کا سب سے یادگار تجربہ رہا۔