نیویارک(نیوز ڈیسک) دنیا بھر میں استعمال ہونیوالی کرنسیوں سے تو ہر کوئی واقف ہی ہے جیسے ڈالر، پائوند، روبل، یوآن، روپیہ وغیرہ مگر آپ یہ جان کر حیران رہ جائیں گے کہ دنیا میں ایک کرنسی ایسی بھی ہے جو نہ تو سکوں کی شکل میں ہے اور نہ ہی اس کے نوٹ ہیں

اور آج تک اسے کسی نے نہیں دیکھا مگر اس کے ذریعے دنیا بھر میں اربوں ڈالر کا کاروبار کیا جا رہا ہے۔ اس کرنسی کا نام bitcoin’’بٹ کوائن‘‘ہے ۔ یہ ایک ڈیجیٹل کرنسی ہے اور اس کا وجود صرف کمپیوٹر سافٹ وئیر کی شکل میں ہوتا ہے۔ م کرنسی کے برعکس اسے کسی ملک کی حکومت کنٹرول نہیں کرتی بلکہ یہ مکمل طور پر آزاد کرنسی ہے۔ اس کرنسی میں خرید و فروخت کرنے کے لئے انٹرنیٹ پر بٹکوئن ایڈریس بنایا جاتا ہے، جس کی کوئی فیس نہیں۔ بٹکوئن ایڈریس رکھنے والے اس کرنسی کے ذریعے بآسانی ادائیگی اور وصولی کر سکتے ہیں۔یوں تو دنیا میں اور بھی ڈیجیٹل کرنسیاں استعمال ہوتی ہیں، جیسا کہ ایتھر ٹوکنether token۔بٹ کوائن کی مقبولیت کا اندازہ اس بات سے کیا جا سکتا ہے کہ صرف رواں سال کے دوران اس کی قدر میں 250فیصد کا اضافہ ہوامگر ہمیشہ ایسا نہیں ہوتا بعض مرتبہ اس کی قدر میں بھاری کمی بھی ہو جاتی ہے اور ایسا گزشتہ دنوں دیکھنے کو آیا جب بٹ کوائن کے حامل افراد کے اربوں ڈالر ڈوب گئے۔ دو دنوں میں بٹکوئن کی قدر میں ہونے والی کمی کا حساب ڈالروں میں کیا جائے تو بٹکون مالکان کے تقریباً 27ارب ڈالر(تقریباً 27 کھرب روپے) ڈوب گئے۔ ایک اندازے کے مطابق بٹکوئن کا 20 فیصد سے زائد لین دین چین میں ہوتا ہے۔کرنسی کی قدر میں کمی کا سب سے زیادہ نقصان بھی چینیوں کو ہی برداشت کرنا پڑا ہے۔