اسلام آباد(مانیٹرنگ ڈیسک)کیا آپ جانتے ہیں کہ دنیا کا سب سے مہنگا گھر کہاں پر ہے اور اس کا مالک کون ہے؟دنیا کا سب سے مہنگا ترین گھر فرانس میں واقع ہے جسے ولا لیوپولڈا کہا جاتا ہے جو ایک پہاڑ کو کاٹ کر بنایا گیا ہے اور اس میں 10بیڈ روم، ایک بال روم، پچاس میٹر لمبا سوئمنگ پول، باغ اور گھوڑوں کیلئے ایک وسیع اصطبل بھی موجود ہے۔

مذکورہ گھر میں موجود باغ دنیا کا بہترین نجی باغ قرار دیا گیا ہے جو 35ایکڑ رقبہ پر محیط ہے جس میں دنیا کے نایاب درخت اور پودے موجود ہیں۔اس گھر کا مالک بوب کونزے سال میں صرف چند ہفتے ہی یہاں گزار پاتا ہے کیونکہ اسے کاروباری سلسلہ میں مسلسل دوروں پر رہنا پڑتا ہے۔ بتایا جاتا ہے کہ اس گھر کی قیمت تک آج تک کوئی دوسرا گھر نہیں پہنچ سکا شاید اس کی وجہ اس گھر کا دنیا کی مہنگی ترین جگہ پر ہونا ہو مگر لیو پولڈا کی دلکشی اور خوبصورتی بھی شاندار ہے۔