الجیریا(این این آئی)صحرائے اعظم میں 37 سال بعد پہلی دفعہ برفباری ہوئی ،غیرملکی خبررساں ادارے کے مطابق الجزائر کے چھوٹے سے صحرائی قصبے این صفارا کے باسیوں کو صبح اٹھنے کے بعد علم ہوا کہ ان کے ارگرد پھیلے سرخ ریتیلے ٹیلے اچانک سفید ہوگئے ہیں۔شہری یہ منظر دیکھ کر دنگ رہ گئے کہ صحرا میں برفباری ہورہی ہے۔شہریوں کامزید کہنا تھا کہ ایسا شاذ و نادر ہی ہوتا ہے اور یہ دیکھنا حیران کن تھا کہ برف ریت کے اوپر ٹھہری ہوئی ہے،یہ برف ایک دن تک ریت پر موجود رہی اور اس کے بعد پگھل گئی۔ایسا تاریخ میں محض دوسری بار ہوا کہ صحرائے اعظم میں برفباری ہوئی ۔پہلی بار فروری 1979 میں الجزائر میں ہی ایسا ہوا تھا۔