اسلام آباد (مانیٹرنگ ڈیسک)بچپن میں چھپن چھپائی کا کھیل تو اکثر لوگوں نے کھیلا ہی ہوگا لیکن جوانی میں بھی یہ کھیل کھیلنے کا موقع ملے گا یہ شاید کسی نے بھی نہ سوچا ہو۔اٹلی کے ایک قصبے میں چھپن چھپائی کے کھیل کی چھٹی عالمی چیمپئن شپ کا انعقاد کیا گیا جس میں دنیا کے مختلف ممالک سے تعلق رکھنے والے منچلوں نے شرکت کی۔اس دلچسپ چیمپئن شپ میں فرانس،امریکا،اٹلی،بیلجیئم اور سوئزرلینڈ کے علاوہ کئی ممالک سے64ٹیموں نے حصہ لیا۔مقابلے میں جیتنے والی ٹیم کو انعامات سے نوازا گیا جبکہ اس چیمپئن شپ کا دیکھنے کیلئے بڑی تعداد میں مقامی افراد اورسیاحوں نے شرکت کی۔