اسلام آباد(نیوز ڈیسک )تھائی لینڈ کے شہر سورین میں 250ہاتھیوں نے ایک ساتھ پریڈ کر کے عالمی ریکار ڈقائم کر دیا ہے۔اس پریڈ میں مقامی افراد کے ساتھ ملک بھر سے لوگوں نے بڑی تعداد میں شرکت کی اور ہاتھیوں کے اتنے بڑے اجتماع کو دیکھ کر حیران ہوتے رہے۔پائپ نامی بینڈ کی مسحور کن دھنوں کے ساتھ پریڈ کا با قاعدہ آغاز ہوا۔ اس موقع ایشین بک آف ریکارڈز کی ٹیم نے250ہاتھیوں کے ریکارڈ کی تصدیق کی اور انتظامیہ کو سر ٹیفکیٹ بھی پیش کیا۔پریڈ میں کھانے پینے کی اشیا کا بھی بڑے پیمانے پر انتظام کیا گیا تھا جس پر ہاتھیوں نے جی بھر کر ہاتھ صاف کیا۔