اسلام آباد(نیوز ڈیسک )علم کے لئے عمر اور وقت کی کوئی قید نہیں، ایک امریکی خاتون نے اس جملے کو حقیقی زندگی میں ثابت کر دکھایا۔ امریکی ریاست مشی گن میں ایک 97 سالہ خاتون عزم و حوصلہ کی ایک زندہ مثال ہیں جنہوں نے ا±سی تعلیمی ادارے سے97سال کی عمر میں ہائی اسکول ڈپلو مہ وصول کیا جہاں سے وہ اپنی کینسر کے مرض میں مبتلا ما ں کی تیمار داری اور چھو ٹے بہن بھا ئیوں کی دیکھ بھال کیلئے 17سال کی عمر میں تعلیم کو الوداع کر کے چلی گئی تھی۔دل میں مو جود علم کی جستجو اور لگن کے باعث ان نانی اماں کو اعزازی طو ر پر با قاعدہ طو ر پر تقریب کا انعقاد کر کے ہائی اسکول ڈپلومہ دیا گیا جسے وصول کرتے ہی وہ جذباتی ہو گئی اور ان کی آنکھوں سے آنسو زاروقطار بہنے لگے۔