لاس اینجلس : ڈیوائن جونسن المعروف دی راک پہلے ریسلنگ اور پھر ہولی وڈ میں شہرت حاصل کرنے میں کامیاب ہوئے اور پوری دنیا میں ان کے پرستار موجود ہیں ۔دی راک صرف فلمی اسکرین پر ہی نہیں بلکہ حقیقی دنیا کے بھی ہیرو ہیں ؟ دی راک نے حقیقی زندگی میں بھی دو فرانچ بل ڈاگ کے بچوں کو ڈوبنے سے بچا کر لوگوں کے دل جیت لیے ۔ راک نے اس حوالے سے انسٹا گرام پر ایک پوسٹ کی جس میں انہوں نے بروٹس اور ہوبوس نامی دو کتے پکڑے ہوئے تھے ، جن کو انہوں نے سوئمنگ پول میں ڈوبنے سے بچا یا ۔راک ان کتوں کو گزشتہ ہفتے اپنے گھر لائے تھے اور انہیں سیر کرا رہے تھے کہ انہوں نے سوئمنگ پول میں چھلانگ لگا دی جس پر ہولی وڈ اسٹار کو ایکشن میں آنا پڑا ۔