اسلام آباد(این این آئی) ملک بھر میں کورونا وائرس کے مریضوں کی صحتیابی میں تیزی سے اضافہ،کورونا وائرس سے متاثرہ ایک لاکھ اکتیس ہزار سے زائد مریض صحت یاب ہوگئے۔نیشنل کمانڈ اینڈ آپریشن سینٹر نے کورونا وائرس کے تازہ اعدادوشمار جاری کر دیے۔ چوبیس گھنٹوں میں مزید 3344 کیسز رپورٹ ہوئے،چوبیس گھنٹوں میں کورونا کے مزید 50 مریض دم توڑ گئے، ملک بھر میں کورونا سے اموات کی تعداد 4762 ہوگئی۔ این سی او سی کے مطابق ملک بھر میں کورونا کیسز کی مجموعی تعداد 2 لاکھ 31 ہزار 818 ہوگئی،

چوبیس گھنٹوں میں کورونا کے 22 ہزار سے زائد ٹیسٹ کئے گئے۔ این سی او سی کے مطابق ملک بھر میں کورونا کے 459 مریض وینٹی لیٹر پر ہیں، ملک میں کورونا کے ایکٹو کیسز کی تعداد 94 ہزار سے تجاوز کر گئی، سندھ میں کورونا کیسز کی تعداد سب سے زیادہ 94 ہزار سے تجاوز کر گئی، پنجاب میں 82 ہزار کے قریب، کے پی کے میں 28 ہزار سے زائد کیسز ریکارڈ ہوئے،اسلام آباد میں 13494، بلوچستان میں 10814 مجموعی کیسز ریکارڈ ہوئے،گلگت میں 1561 اور آزاد کشمیر میں 1342 کیسز ریکارڈ ہوئے۔

موضوعات:کورونا سے متاثرہ مریض تیزی سے صحت یاب ہونے لگے