اسلام آباد(این این آئی)این سی او سی نے ملک بھر میں کورونا مریضوں کے لئے دستیاب وینٹی لیٹرز اور بیڈز کی تفصیلات جاری کر دیں ۔ ہفتہ جاری اعلامیہ کے مطابق آزاد کشمیر میں کورونا مریضوں کے لئے 379 بیڈز دستیاب ہیں ،آزاد کشمیر میں 68 آکسیجن بیڈز ، 43 وینٹی لیٹر دستیاب ہیں ۔ اعلامیہ کے مطابق آزاد کشمیر میں کورونا کا کوئی مریض وینٹی لیٹر پر نہیں۔

این سی اوسی کے مطابق بلوچستان میں کورونا مریضوں کے لئے 2148 بیڈز دستیاب ہیں ،بلوچستان میں 262 آکسیجن بیڈز، 36 وینٹی لیٹر دستیاب ہیں ،بلوچستان میں کورونا کا کوئی مریض تاحال وینٹی لیٹر پر نہیں۔ این سی اوسی کے مطابق گلگت میں کورونا مریضوں کے لئے151 بیڈز ، 43 آکسیجن بیڈز ، 28 وینٹی لیٹر دستیاب ہیں ،گلگت میں کورونا کا ایک مریض وینٹی لیٹر پر ہے،۔این سی او سی کے مطابق اسلام آباد میں 514 بیڈز، 262 آکسیجن بیڈز، 90 وینٹی لیٹر دستیاب ہیں ،اسلام آباد میں کورونا کے 18 مریض وینٹی لیٹر پر ہیں۔این سی او سی کے مطابق خیبر پختونخواہ میں 4856 بیڈز، 1081 آکسیجن بیڈز، 340 وینٹی لیٹر دستیاب ہیں ۔ این سی اوسی کے مطابق خیبر پختونخوا میں کورونا کے 85 مریض وینٹی لیٹر پر موجود ہیں ،پنجاب میں 9276 بیڈز، 3500 آکسیجن بیڈز، 387 وینٹی لیٹر دستیاب ہیں ،پنجاب میں کورونا کے 233 مریض وینٹی لیٹر پر موجود ہیں ،سندھ میں 8274 بیڈز، 739 آکسیجن بیڈز، 368 وینٹی لیٹر دستیاب ہیں ،سندھ میں کورونا کے 83 مریض وینٹی لیٹر پر موجود ہیں ۔

موضوعات:وینٹی لیٹرز