ہانگ کانگ(آئی این پی)ہانگ کانگ کے سائنسدانوں نے ایک اینٹی بائیوٹک دریافت کی ہے جو ایچ آئی وی کے مریضوں میں سوزش کا علاج میں کارآمد ہے،انیٹی بائیوٹک ایڈز کے مریض میں بیماری کے خلاف مدافعتی نظام کو کمزور ہونے سے روکتی ہے، چین کے

معروف روزنامہ ساؤتھ چائنا مارننگ پوسٹ کے مطابق ہانگ کانگ کے سائنسدانوں نے ایک اینٹی بائیوٹک دریافت کی ہے جو ایچ آئی وی کے مریضوں میں سوزش کا علاج میں کارآمد ہے۔ لیکن اس کا تجربہ ابھی چوہوں پر کیا گیا ہے HIVایڈز کے مریضوں پر استعمال سے پہلے مزید مطالعہ اور تحقیقات کی ضرورت ہو گی۔ایچ آئی یو ایڈز انسٹی ٹیوٹ اور مائکرو بائیالوجی پروفیسر ڈائریکٹر چن زہی نے کہا کہ HIVایفیکشن کے دوران ایک خاص میکانزم سے سوزش پیدا ہوتی ہے جو مدافعتی نظام کو کمزور کرتی ہے۔ یہ انیٹی بائیوٹک ایڈز کے مریض میں بیماری کے خلاف مدافعتی نظام کو کمزور ہونے سے روکنے میں فعال کردار ادا کر سکتی ہے اگر اس پر تھوڑی مزید تحقیق کی جائے۔ چھیو یانگ نے کہا کہ چوہوں پر تجربہ کے بعد معلوم ہوا کہ اس دوا کی بدولت انفیکشن میں نمایاں کمی دیکھنے میں آئی۔چھیو یانگ نے مزید کہا کہ ہمیں یقین ہے کہ اسے مزید تحقیقات کے بعد دیگر سوزش کی بیماریوں میں بھی کارآمد بنایا جا سکتا ہے جیسے انفلوئنزا انفیکشن، کالٹس اور کینسروغیرہ۔