اسلام آباد(مانیٹرنگ ڈیسک)جسم میں زہریلے مادوں کا جمع ہونا انسانی صحت کیلئے انتہائی مضر ہے اور ان زہریلے مادوں کے جمع ہونے کی بڑی وجہ قبض کا ہونا ہے، قبض کو اطبا اور ڈاکٹر نہ صرف ام الامراض یعنی مرضوں کا ماں کا نام دیتے ہیں وہیں یہ قبض دل کے
عوارض میں مبتلا کرنے کا باعث بھی بنتی ہے۔ قبض سے نجات کیلئے ہم یہاں آپ کو لیموں اور زیتون کے تیل کو ملا کر پینے کا ایسے طریقے بتانے جا رہے ہیں جس کے استعمال سے نہ صرف آپ کے جسم میں اکٹھے ہونے والے زہریلے مواد کا خاتمہ ممکن ہے بلکہ دل کے عوارض میں مبتلا مریض بھی دل کو تقویت دینے کیلئے اسے استعمال کر سکتے ہیں جبکہ لیموں اور زیتون کا تیل ملا کر پینے سے مثانے کی پتھری سے نجات کیلئے بھی نہایت مفید ہے۔ لیموں کی خصوصیات سے تو ہر کوئی واقف ہے۔ لیموں میں وٹامن سی، پوٹاشیم، وٹامن بی6، وٹامن اے، تھیامین، وٹامن ای، کاپر، کیلشیم، آئرن، زنک، پروٹین، میگنیز اور فاسفورس پایا جاتا ہے جبکہ زیتون کا تیل بھی وٹامنز اور منرلز سے بھرپور ہوتا ہے۔دل کے امراض میں مبتلا مریض لیموں اور زیتون کے تیل کو ملاکر استعمال کریں۔ا یک چمچ زیتون کے تیل میں تین سے چار قطرے لیموں کا رس نچوڑ کر ہر صبح استعمال کرنے سے دل کو تقویت ملے گی۔قبض سے نجات کیلئے ہر صبح لیموں کے چند قطرے اور زیتون کے تیل کے دو سے تین چمچ پانی میں حل کرکے پینے سے قبض ٹھیک ہوجائے گی جبکہ ناشتے سے ایک گھنٹہ قبل یہ مشروب آپ کو مثانے میں موجود پتھری سے نجات دلاسکتا ہے جبکہ اس کے استعمال سے آپ کے گردے اور جگر بھی قوی ہونگے۔
