اسلام آباد(مانیٹرنگ ڈیسک)پھول گوبھی ہماری روزمرہ کی زندگی میں شامل سبزیوں میں اہم ہے لیکن ہم میں سے اکثر یہ نہیں جانتے کہ گوبھی کھانا ہماری صحت کیلئے بہت مفید ہے۔ماہرین کا کہنا ہے کہ گوبھی کے صحت بخش اثرات سے مستفید ہونے کیلئے ہمیں اسکے ڈنٹھل اور پتوں کو بھی نظر انداز نہیں کرنا چاہئے جبکہ تیل اور گھی میں پکانے کے بجائے
گوبھی کو کچی حالت میں ،بھاپ پر نرم کر کے یا پانی میں ابال کے کھانا چاہئے کیونکہ اس صورت میں اس کے مفید قدرتی اجزاء محفوظ رہتے ہیں۔اگر آپ گوبھی کو سلاد کے طور پر استعمال کرنا چاہتے ہیں تو اس میں تھوڑا سا زیتون کا تیل بھی شامل کر دیں یہ کرنے سے اسکی افادیت میں بھی اضافہ ہو جاتا ہے۔تحقیق سے یہ بھی ثابت ہو چکا ہے کہ پھول گوبھی میں کینسر سمیت کئی بیماریوں سے بچانے کی صلاحیت موجود ہے۔درمیان جسامت کی ایک پھول گوبھی میں کینو سے زیادہ وٹامن سی،وافر مقدار میں وٹامن کے ،بی ٹاکیروٹین کی شکل میں وٹامن اے،کئی اقسام کے وٹامن بی اور فولک ایسڈ،فائبر ،فائٹو کیمیکلز اور اہم کاغذائی معدنیات موجود ہوتے ہیں۔
