اسلام آباد (نیوزڈیسک) دنیامیں نت نئے مرض روز سامنے آتے ہیں ، ایسا ہی ایک واقعہ کچھ یہ ہے کہ دانتوں کے معائنے کے لئے ڈاکٹر کے پاس جانے والے ایک شخص کی ایسی ویڈیو منظر عام پر آ گئی ہے کہ جسے دیکھنے کے بعد ایک عرصے تک ڈرآنے خواب آپ کا تعاقب کرتے رہیں گے اور آپ بار بار اپنے منہ کی صفائی کی ضرورت محسوس کریں گے۔ یہ ویڈیو سوشل میڈیا ویب سائٹ ’’لائیو لیک‘‘ پر سامنے آئی اور اس کے خوفناک مناظر نے انٹرنیٹ پر خوف و ہراس پھیلارکھا ہے۔ یہ ویڈیو ڈینٹسٹ نے خود بنائی ہے اور دنیا کو عبرت دلانے کے لئے انٹرنیٹ پر پوسٹ کر دی ہے۔ دانتوں کے معائنے کے لئے آنے والا یہ شخص جونہی اپنا منہ کھولتا ہے تو اس کی زبان اور دانت ایک سیاہ چپچپے مادے میں لتھڑے نظر آتے ہیں، جو کسی گاڑھے سیال مادے کی طرح ہلتا نظر آتا ہے۔اگرچہ یہ واضح نہیں کہ اس شخص کے منہ کے اندر اس قدر بھیانک چیز کیسے جمع ہوئی اور اس کی نوعیت کیا ہے، لیکن سوشل میڈیا صارفین اپنے اپنے اندازے بیان کررہے ہیں۔ کچھ کا یہ بھی کہنا ہے کہ یہ سیاہی مائل کیڑے ہیں جو کہ اس کے منہ کے گوشت میں پیدا ہوچکے ہیں۔ ایک انٹرنیٹ صارف نے ویڈیو پر تبصرہ کرتے ہوئے لکھا ’’میں نے اپنی زندگی میں ایسا بھیانک منظر کبھی نہیں دیکھا۔ یہ ویڈیو دیکھنے کے بعد میں خوف میں مبتلا ہوں اور بار بار اپنے دانت صاف کررہا ہوں۔