نیو یارک(نیوز ڈیسک)عام طور پر خواتین کے حاملہ ہونے کی ایک ہی نشانی کو حتمی قرار دیا جا تا ہے۔تاہم ماہرین کا کہنا ہے کہ صرف حیض کی بندش ہی حاملہ ہونے کی واحد علامت نہیں ہے۔امریکی پریگننسی آرگنائزیشن کی رپورٹ کے مطابق جب کوئی عورت حاملہ ہو تی ہے تو اس میں جسمانی طور پر کئی تبدیلیاں رونماہونا شروع ہو جاتی ہیں۔ماہرین صحت نے اس سلسلے میں گئی ایک اہم علامات کو واضح کیا ہے جن کو دیکھتے ہوئے کسی بھی خاتون کو اندازہ ہو سکتا ہے کہ وہ حاملہ ہے یا نہیں۔ماہرین کی طرف سے وضع کردہ ان علامات میں سے اہم علامت صبح کے وقت جی متلاناہے۔میو کلینک کے ڈاکٹروں کے مطابق جسم میں ایسٹروجن اور پروجیسٹران کی تیزی سے بڑھتی ہوئی سطح صبح کے وقت جی متلانے کی وجہ ہے۔علاوہ ازیں انکا کہنا ہے کہ اگر آپ محسوس کریں کہ آپکا سینہ پہلے کی نسبت ذیادہ حساسیت کا شکار ہے یا وہاں سوجن کے آثار ہیں تو سمجھ لیں آپکے لئے خوشخبری ہے۔اگر آپ ہر وقت خود کا تھکا ہوا محسوس کرتی ہیں اور روٹین سے ذیادہ وقت بستر پر گزارنے لگی ہیں تو آپ کو اس سے اندازہ لگانے میں دیر نہیں لگانی چاہیے۔ماہرین کا یہ بھی کہنا ہے کہ اگر آپ کی قوت شامہ ضرورت سے ذیادہ تیز ہو جائے اور آپ برابر کے گھر سے آنے والی کھانے کی خوشبو بھی سونگھنے لگیں تو یہ علامت بھی سبز بتی سے کم نہیں ہے۔چند خواتین کو دوران حمل انہدام نہانی سے بہت تھوڑی مقدار میں خون آنے کی شکایت ہوتی ہے۔ میو کلینک کی رپورٹ مطابق یہ کوئی پریشانی والی بات نہیں ہے ایسا اس وقت ہوتا ہے جب حمل کے 14سے 16دن بعدایگ بچہ دانی کے مخصوص حصے میں جا کر جڑتا ہے۔علاہ ازیں اگر آپ کے مزاج میں فوری تبدیلی ،سر چکرانا یا بلڈ پریشر کے کم ہونے کی صورت میں بے ہوشی طاری ہونا جیسی علامات پائی جائیں تو آپکو سمجھ لینا چاہیے کہ آپ میں جسمانی تبدیلیاں رونما ہو رہی ہیںاور آپ ماں بننے والی ہیں