اسلام آ باد۔۔۔۔ وفاقی دارالحکومت اسلام آباد میں پاکستان تحریک انصاف (پی ٹی ا ئی) کے کنونشن میں شرکت کا دعوت نہ ملنے پر عمران خان کی رہائش گاہ پر کارکنان نے احتجاج کیا۔15 اگست 2014 کو شکر پڑیاں کے مقام پر آزادی مارچ کے دوران حادثے میں ہلاک ہونے والے پاکستان تحریک انصاف (پی ٹی ا ئی) کے کارکن کے اہل خانہ کی جانب سے عمران خان کے گھر کے باہر احتجاج کیا گیا۔
ہلاک کارکن کے اہل خانہ نے تحریک انصاف کی جانب سے دھرنا ورکرز کنونشن میں شرکت کی دعوت نہ دینے پر احتجاج ریکارڈ کروا رہے تھے۔مظاہرین کا کہنا تھا کہ دھرنا کنونشن میں مدعو کرنے کے لیے تحریک انصاف کی اعلیٰ قیادت نے کوئی رابطہ نہیں کیا۔عمران خان نے مظاہرین کو ملاقات کے لیے اپنی رہائش گاہ میں بلالیا جس کے بعد احتجاج ختم کردیا گیا۔