تاریخی اور ثقافتی ورثے سے مالا مال شہر لاہور کھانے کے شوقین افراد کے لیے بھی جنت کی سی حیثیت رکھتا ہے۔ فوڈ اسٹریٹ میں سادہ اور چٹپٹی غذاؤں سے لے کر کلاسک کھانے فراہم کرنے والے لاہور میں شاید ہی کسی کو ایسا کھانا ملے جو کہ وہ پسند نہ کرتا ہو۔

گذشتہ چند سالوں کے دوران شہر میں گھر سے باہر کھانا کھانے کا رجحان پروان چڑھا ہے اور اسی کو دیکھتے ہوئے ہم آپ کو لاہور کے 10 بہترین ہوٹلوں کی فہرست فراہم کر رہے ہیں جنہیں آپ 2015 میں آزما سکتے ہیں۔

کوسا نوسترا، لا تاوولا

لاہور میں بسنے والا تقریباً ہر شخص متعدد مرتبہ کوسا نوسترا جا چکا ہے اور ان کے منیو سے بھی بخوبی واقف ہے۔ تاہم شہر کے بہترین ہوٹلوں میں سے ایک اس ریستوران کے لا تاوولا سیکشن میں ایک نیا منیو بھی دستیاب ہے جسے ضرور آزمایا جانا چاہیے۔

دی لاہور سوشل

شہر کے بیچوں بیچ واقع یہ ہوٹل ایک فینسی جگہ ہے جسے نئے سال میں ضرور آزمایا جانا چاہیے۔ پرسکون ماحول اور وسیع مینیو کے ساتھ یہ ہوٹل کھانا کھانے کے لیے بہترین جگہوں میں سے ہے۔

پومپی

ھلے ہی لاہور کھانے پینے میں اپنی مثال آپ ہے، لیکن یہ بھی سچ ہے کہ ہمیں کراچی کے کھانے بھی بہت پسند ہیں۔ اور اس سال کی فہرست میں پومپی ریسٹورنٹ بھی شامل ہے، جو لاہور میں کراچی کا مزہ پیش کرتا ہے۔

ٹیرامیسو

یرامیسو ہماری فہرست میں اپنے اس انتہائی لذیذ پگھلی ہوئی چاکلیٹ کے کیک کی وجہ سے ہے۔ اس ریسٹورنٹ نے لوگوں کے دلوں میں اپنی جگہ واپس بنانے کے ساتھ ساتھ ہماری لسٹ میں بھی جگہ بنا لی ہے۔

دی پولو لاؤنج

اگر آپ لاہور پولو کلب میں واقع اس ریسٹورنٹ میں پہلے کبھی نہیں گئے، تو 2015 میں آپ کو یہاں ضرور جانا چاہیے۔ اور اس کی وجہ ان کا بہترین اور وسیع مینیو ہے۔ اتوار کے دن ملنے والا برنچ تو بلاشبہ آزمانے کے لائق ہے۔

دی کیوب، نشاط

نشاط ہوٹل میں موجود کیوب واقعاً ایسا ہوٹل ہے جسے اتنی پذیرائی نہیں ملی جتنی ملنی چاہیے تھی۔ اگر آپ یہاں پہلے جاچکے ہیں، تو بھی 2015 میں ایک بار دوبارہ جائیے۔ اس کی وجہ یہ ہے کہ ان کا مینیو اب مکمل طور پر تبدیل ہوچکا ہے جبکہ اب انہوں نے بین الاقوامی شیفس پر مشتمل تربیت یافتہ اسٹاف بھی رکھ لیا ہے۔

ماؤتھ فل

لاہور کے رہائشیوں کو اب اچانک اپنی صحت کا بھی خیال ہونے لگا ہے۔ تو اگر آپ لذیذ لیکن صحت بخش کھانے کھانا چاہتے ہیں، تو ماؤتھ فل کا رخ کیجیے۔

ٹوکیو

ہم سب لوگوں کو ہی آواری کے فیوجی یاما کی سوشی پسند ہے۔ لیکن اگر آپ کچھ ایسا چاہتے ہیں جو مکمل طور پر جاپانی ذائقہ رکھتی ہو، تو ٹوکیو جائیے۔

دی لکھنوی

آواری ہوٹل میں قائم لکھنوی ریسٹورنٹ آزمانے جیسی جگہ ہے۔ لاہور کو اس کے بہترین دیسی کھانوں کے لیے پسند کیا جاتا ہے، اور لکھنوی ضرور آپ کی امیدوں پر پورا اترے گا۔

سویٹ افیئرز

ہماری فہرست کا آخری ریسٹورنٹ سویٹ افیئرز ہے۔ 2015 میں اسے ضرور آزمانا اس لیے بھی ضروری ہے کہ ان کے پاس شہر کا بہترین میٹھا دستیاب ہے جس میں جیلاٹو، کپ کیکس، کیکس، چاکلیٹیں اور بہت کچھ شامل ہے۔ اگر آپ کو میٹھا پسند نہیں، تو بھی کوئیبات نہیں، ان کے پاس لذیذ تندوری پیزا بھی دستیاب ہیں۔

Courtesy: Dawn news