خیرپور۔۔۔۔۔سانحہ خیر پور میں جاں بحق افراد کی میتیں ان کے آبائی علاقوں کو روانہ کردی گئی ہیں جہاں تدفین کا عمل جاری ہے۔ 46 لاشیں سکھر ایئرپورٹ سے سی ون تھرٹی طیارے کے ذریعے رسالپور پہنچائی گئیں جس کے بعد انہیں سوات اور مینگورہ روانہ کیا گیا جہاں 37 لاشیں سوات کے علاقے خوازہ خیلہ اور بحرین میں لواحقین کے حوالے کردی گئیں جب کہ دیگر 9 لاشیں باجوڑ، مردان اور بٹگرام میں لواحقین کے حوالے کردی گئی ہیں۔اسی طرح 11 لاشیں کراچی پہنچائی گئیں جن میں 5 پرانی سبزی منڈی، 2 قصبہ، 2 بنارس اور 2 اتحاد ٹاؤن میں لواحقین کے حوالے کی گئیں۔ سبزی منڈی پہنچائی گئی 5 لاشیں ایک ہی خاندان کی ہیں جن کی نماز جنازہ بھی ادا کردی گئی۔















































