برلن۔۔۔۔ وزیراعظم نوازشریف کے دورہ جرمنی میں بھی ’’گونوازگو‘‘ کے نعرے نے ان کاپیچھا نہ چھوڑا، وزیراعظم کے پاک جرمن بزنس فورم سے خطاب کے دوران ہوٹل کے باہرپی ٹی آئی اور پی اے ٹی کے کارکنوں نے گونوازگو کے نعرے لگائے۔وزیراعظم نواز شریف جب اپنے دورے کے دوران پاک جرمن بزنس فورم سے خطاب کے لیے ہوٹل گئے توہوٹل کے باہرجمع پی ٹی آئی اور پاکستان عوامی تحریک کے کارکنوں نے انھیں دیکھ کر ’’گونوازگو‘‘ کے نعرے لگائے تاہم کوئی ناخوشگوار واقعہ پیش نہیں آیا۔واضح رہے کہ پاکستان تحریک انصاف اور عوامی تحریک نے وزیراعظم نواز شریف کے خلاف ’گونوازگو‘ تحریک شروع کر رکھی ہے اور جہاں بھی ان دونوں جماعتوں کے کارکنان کو موقع ملتا ہے تو یہ لوگ ’گو نواز گو‘ کے نعرے لگانا شروع کر دیتے ہیں۔

موضوعات:Germany go nawaz go Islamabad javed chaudary Javed choudary Nawaz Sharif Pakistan زیرو پوائنٹ کل تک