کوئٹہ۔۔۔۔امیر جماعت اسلامی پاکستان سراج الحق نے کہا ہے کہ جو لوگ ملکی سیاست میں آپس میں لڑ رہے ہیں انہیں عوام کے مسائل کا ادراک نہیں، ملک میں چاروں طرف مغل شہزادے نظر آتے ہیں۔کوئٹہ میں اجتماع سے خطاب میں انہوں نے کہا کہ انگریزوں کے جانیکے بعد سرمایہ داروں نے ملک کو غلام بنایا،بینکوں سے قرضے لیے اوراداروں کو اپنے لیے استعمال کیا، ملک میں تحریک پاکستان کی جدوجہد کا دوبارہ آغاز کریں گے،امید ہے کہ قوم اس جدوجہد میں ہمارا ساتھ دے گی۔انہوں نے مزید کہا کہ اشرافیہ نے پاکستان کی معیشت کو تباہ کیااورسیاست کو بھی بدنام کیا،ان ہی کی وجہ سے باہرجانیوالوں کی ایئرپورٹس پر تلاشی لی جاتی ہے اور ہمارے گرین پاسپورٹ کو شک کی نظر سے دیکھا جاتاہے، اس نام نہاد اشرافیہ کی وجہ سے ہی مشرقی پاکستان بنگلادیش بن گیااورملک ایک بحران کا شکار ہے،ان میں سے زیادہ تر وہی لوگ آج سینیٹ اور پارلیمنٹ میں موجود ہیں