مکو آ نہ (این این آئی)سی پی او فیصل آباد کے ویژن کے مطابق تھانہ روشن والا پولیس نے سوشل میڈیا پر فحاشی اور غیر اخلاقی مواد پھیلانے والے ملزم خلاف کارروائی کرتے ہوئے ٹک ٹاکر سفیان کھچی دارے کو گرفتار کرلیا۔
پولیس کے مطابق تھانہ روشن والا کے ایس ایچ او انسپکٹر شاہد پرویز کی سربراہی میں پولیس ٹیم نے کارروائی کی۔ ملزم نے نازیبا ویڈیو تیار کرکے اسے سوشل میڈیا پلیٹ فارم ٹک ٹاک پر وائرل کیا، جس کے بعد پولیس نے معاملے کا نوٹس لیتے ہوئے کارروائی عمل میں لائی۔پولیس کا کہنا ہے کہ کارروائی کے دوران ملزم کو گرفتار کیا گیا جس پر سب انسپکٹر مبشر حفیظ کی مدعیت میں ملزم کے خلاف مقدمہ درج کرلیا گیا۔ مقدمہ درج ہونے کے بعد ملزم کو قانونی کارروائی کے لیے پابندِ سلاسل کردیا گیا۔ایس ایچ او تھانہ روشن والا انسپکٹر شاہد پرویز نے میڈیا سے گفتگو کرتے ہوئے کہا کہ سوشل میڈیا ایک ذمہ دار پلیٹ فارم ہے، اسے غیر اخلاقی اور نازیبا مواد پھیلانے کے لیے استعمال کرنے کی اجازت نہیں دی جائے گی۔
جو بھی نوجوان سوشل میڈیا پر قابلِ اعتراض مواد نشر کرے گا، اس کے خلاف قانون کے مطابق کارروائی عمل میں لائی جائے گی۔ایس ایچ او شاہد پرویز نے نوجوانوں کو پیغام دیتے ہوئے کہا کہ سوشل میڈیا کے مثبت اور تعمیری استعمال کو فروغ دیا جائے، غیر اخلاقی سرگرمیوں سے اجتناب کیا جائے اور قانون کی پاسداری کی جائے۔ پولیس کا کہنا ہے کہ معاشرے میں اخلاقی اقدار کے تحفظ اور سوشل میڈیا کے غلط استعمال کی روک تھام کے لیے کارروائیاں جاری رکھی جائیں گی۔
