اسلام آباد (این این آئی)ٹک ٹاکر ثنا یوسف قتل کیس میں عدالت نے ملزم کا مزید 4روزہ جسمانی ریمانڈ منظور کر لیا۔ڈسٹرکٹ اینڈ سیشن کورٹس اسلام آباد میں علاقہ مجسٹریٹ محمد حفیظ نے ٹک ٹاکر ثنا یوسف کے قتل بارے کیس پر سماعت کی پولیس نے گرفتار ملزم عمر حیات کو عدالت میں پیش کیا ۔پراسیکوشن نے کہا کہ ملزم کی شناخت ہوگئی ہے۔

پولیس کی جانب سے ملزم کے 7 روزہ جسمانی ریمانڈ کی استدعا کی گئی، پراسیکوشن نے مو قف اپنایا کہ ملزم کو 2 لوگوں نے شناخت کیا ملزم کی والدہ اور پھوپھو نے، ملزم سے زیر استعمال موبائل فون اور گاڑی کی برآمدگی کیلئے ریمانڈ چاہیے۔ملزم نے کہا کہ میں نے موبائل پولیس کو دے دیا ہے، میری درخواست ہے میرا میڈیکل کروایا جائے۔ عدالت نے ملزم کے میڈیکل کی ہدایت کرتے ہوئے 4روزہ جسمانی ریمانڈ منظور کر لیا۔