لاہور( این این آئی)معروف گلوکارعلی ظفر نے اپنے پرستاروں سے آج ( جمعہ) کے روز قذافی اسٹیڈیم پہنچنے کی اپیل کردی۔اپنے مختصروڈیوپیغام میں عالمی شہرت یافتہ گلوکار نے کہا کہ نئے قذافی اسٹیڈیم کی اوپننگ ہے، افتتاحی تقریب کے دوران میں لائیو پرفارمنس کا مظاہرہ کروں گا، سب پہنچیں۔

واضح رہے کہ آئی سی سی چیمپیئنز ٹرافی کے میگا ایونٹ کے لیے قذافی اسٹیڈیم کی اپ گریڈیشن کی گئی ہے اور اسے 117 دنوں کی ریکارڈ مدت میں مکمل کیا گیا ہے۔ قذافی اسٹیڈیم کی اپ گریڈیشن کے بعد آج ہونے والی افتتاحی تقریب میں علی ظفر کے علاوہ آئمہ بیگ اور عارف لوہار بھی پرفارم کریں گے۔