اسلام آباد(نیوز ڈیسک)بالی ووڈ اسٹار عامر خان کی نئی محبت، بھارتی میڈیا میں چہ مگوئیاںبالی ووڈ کے معروف اداکار عامر خان ایک بار پھر محبت میں گرفتار ہوگئے، جس پر سوشل میڈیا سمیت بھارتی میڈیا میں خوب بحث جاری ہے۔بھارتی میڈیا رپورٹس کے مطابق، 59 سالہ عامر خان کا تعلق بنگلورو کی ایک خاتون، گوری، سے جوڑا جا رہا ہے، جو فلمی دنیا سے وابستہ نہیں ہیں۔ ذرائع کے مطابق، عامر خان نہ صرف گوری کے قریب آچکے ہیں بلکہ انہوں نے اپنے اہلخانہ سے بھی ان کا تعارف کرایا ہے۔

اس ملاقات کو مثبت قرار دیا جا رہا ہے، جس سے اندازہ ہوتا ہے کہ عامر اس تعلق کو سنجیدگی سے لے رہے ہیں۔تاہم، عامر خان نے اپنی نئی محبت کے حوالے سے کوئی باضابطہ بیان جاری نہیں کیا، اور ان کے ترجمان کی جانب سے بھی اس معاملے پر کوئی تبصرہ سامنے نہیں آیا۔ اگر یہ خبریں درست ثابت ہوئیں، تو ان کے مداحوں کے لیے یہ کسی حیرت سے کم نہیں ہوگا، خاص طور پر اس لیے کہ وہ ماضی میں اداکارہ فاطمہ ثنا شیخ کے ساتھ تعلقات کے حوالے سے خبروں میں رہ چکے ہیں۔

یاد رہے کہ عامر خان نے 1986 میں رینا دتہ سے شادی کی تھی، جن سے ان کے دو بچے، جنید خان اور ایرا خان ہیں، تاہم 2002 میں دونوں میں علیحدگی ہو گئی۔ بعد ازاں 2005 میں انہوں نے فلمساز کرن راؤ سے رشتہ ازدواج میں منسلک ہوئے، اور 2011 میں ان کے ہاں بیٹا آزاد راؤ خان پیدا ہوا۔ تاہم، 2021 میں عامر اور کرن کی راہیں بھی جدا ہو گئیں۔