اسلام آباد (نیوز ڈیسک)عامر خان کا نیا روپ، مداحوں کو حیران کر گیابالی ووڈ کے مشہور اداکار عامر خان ایک بار پھر اپنی منفرد اداکاری سے سب کو چونکانے کے لیے تیار ہیں۔ حالیہ دنوں میں ایک ویڈیو سوشل میڈیا پر وائرل ہوئی ہے، جس میں انہیں قدیم دور کے انسان (Caveman) کے روپ میں دیکھا جا سکتا ہے۔ویڈیو میں عامر خان کو پروستھیٹکس، نقلی داڑھی اور خصوصی میک اپ کے ساتھ ایک منفرد انداز میں دکھایا گیا ہے، جبکہ ان کے بوسیدہ اور پرانے کپڑوں نے اس کردار کو مزید حقیقی بنا دیا ہے۔

جیسے ہی یہ ویڈیو سامنے آئی، سوشل میڈیا صارفین قیاس آرائیاں کرنے لگے کہ آیا یہ کسی فلم کا منظر ہے یا کسی اشتہار کا حصہ۔ کچھ رپورٹس کے مطابق، یہ صرف ایک کمرشل کے لیے کیا گیا ہے، لیکن عامر خان کے مداح اب بھی اصل حقیقت جاننے کے منتظر ہیں۔اسی دوران، ایک اور ویڈیو میں ممبئی کی سڑکوں پر ایک شخص کو لمبی داڑھی اور پرانے کپڑوں میں گھومتے ہوئے دیکھا گیا، جسے دیکھ کر لوگ اسے عامر خان سمجھنے لگے۔

اس منظر نے مداحوں میں مزید تجسس پیدا کر دیا، اور سوشل میڈیا پر مختلف تبصرے اور تجزیے سامنے آنے لگے۔واضح رہے کہ عامر خان نے اپنی فلم لال سنگھ چڈھا کی ناکامی کے بعد کچھ عرصے کے لیے فلمی دنیا سے کنارہ کشی اختیار کر لی تھی، تاہم اب وہ ستارے زمین پر کے ذریعے دوبارہ پردے پر جلوہ گر ہونے جا رہے ہیں۔ یہ فلم 2007 کی سپرہٹ تارے زمین پر کا تسلسل قرار دی جا رہی ہے، جس میں ایک اور اہم سماجی مسئلے کو اجاگر کیا جائے گا۔