نیویارک (این این آئی)کیا آپ ٹام کروز، جانی ڈیپ، رابرٹ ڈاونی جونیئر سے زیادہ دولت کمانے والے اداکار کے بارے میں جانتے ہیں؟میڈیا رپورٹس کے مطابق فلموں میں کام کرکے 27اعشاریہ 7بلین ڈالرز کمانے والے اس غیر سپر اسٹار اداکار نے دولت میں ہالی ووڈ کے کئی نامور اداکاروں کو پیچھے چھوڑ دیا۔گزشتہ 3 دہائیوں سے ہالی ووڈ پر ٹام کروز، جانی ڈیپ، رابرٹ ڈاونی جونیئر اور بریڈ پٹ کا راج جاری ہے، ان سپر اسٹار کی فلمیں باکس آفس پر کروڑوں ڈالرز کماتی ہیں جبکہ ان کی مجموعی آمدنی اربوں میں ہے۔

اس سب کے باوجود 76 سالہ اداکار نے دولت میں ان سب سپر اسٹارز کو پیچھے چھوڑ دیا ہے اوروہ باکس آفس پر زیادہ کمائی کرنے والے اداکاروں میں آگے نکلے گئے ہیں۔ہالی ووڈ میں کمائی کو اگر کامیابی کا واحد پیمانہ مان لیا جائے تو سیموئل جیکسن دنیا کے کامیاب ترین اداکار کہلانے کے مستحق قرار پاتے ہیں۔اس اداکار نے کئی سالوں میں 66 فلموں میں مرکزی کردار نبھایا اور ان سے باکس آفس نے مجموعی طور پر 14 اعشاریہ 6 بلین ڈالرز کی کمائی کی، جو دنیا کے کسی بھی اداکار سے زیادہ ہے۔سیموئل جیکسن کی 142 فلمیں ریلیز ہوئیں، جنہوں نے 27 اعشاریہ 7 ڈالرز کمائے، ان کی زیادہ تر فلمیں مارول کی ہیں۔ٹام کروز 12 بلین، رابرٹ ڈاوری 14 اعشاریہ 3 بلین، وین ڈیز ل12 بلین، کرس ہمزورتھ12 بلین جبکہ جانی ڈیپ ٹاپ 10 میں شامل ہیں۔