لاس اینجلس (این این آئی)ڈچ گلوکار، اداکار و ماڈل ڈونی رولوِنک نے اسلام قبول کر لیا ہے۔غیر ملکی میڈیا رپورٹس کے مطابق 26سالہ نوجوان ڈچ اداکار ڈونی رولوِنک نے رواں ماہ 19اپریل کو ایک مسجد میں اسلام قبول کیا ہے۔ڈونی رولوِنک کی اسلام قبول کرتے ہوئے ویڈیو بھی انسٹاگرام پر وائرل ہے۔

رولوِنک نے انسٹاگرام ویڈیو پیغام میں کہا ہے کہ مجھے نہیں لگتا کہ بہت سے لوگوں نے یہ دیکھا ہے کہ یہ میرا ایک خاص دن تھا۔رولوِنگ نے کہا کہ اس لمحے کی تصاویر آن لائن پوسٹ کی گئیں اور اسے میڈیا میں بڑے پیمانے پر رپورٹ کیا گیا، جب میں لوگوں کے ایک بڑے گروپ کی موجودگی میں اسلام قبول کر رہا تھا۔