ممبئی (این این آئی)بالی ووڈ اداکارہ جیکولین فرنینڈس کی بلڈنگ میں آگ بھڑک اٹھی۔بھارتی میڈیا کے مطابق بالی وڈ اداکارہ جیکولین فرنینڈس ممبئی کے علاقے باندرہ میں رہائش پذیر ہیں جہاں گزشتہ رات بلڈنگ میں آگ لگنے کا واقعہ پیش آیا۔
حکام کے مطابق یہ عمارت 17منزلہ تھی اور اس کی 14ویں منزل میں آگ لگی جبکہ اداکارہ جیکولین فرنینڈس عمارت کی 15ویں منزل پر رہتی ہیں۔رپورٹس کے مطابق آگ کی اطلاعات ملتے ہی فائر بریگیڈ کی گاڑیاں اور آگ بجھانے والا عملہ موقع پر پہنچ گیا جس نے ایک گھنٹے کی محنت کے بعد آگ پر قابو پایا جب کہ آگ کے نتیجے میں کوئی جانی نقصان نہیں ہوا۔
