ممبئی(این این آئی)بالی وڈ اداکار اور فلمساز سہیل خان نے اپنے بھائی سپر اسٹار سلمان خان کے ساتھ اپنے نئے فلمی پروجیکٹ کیلئے تیاریاں شروع کردیں۔میڈیارپورٹ کے مطابق سہیل خان نے حال ہی میں ایک تقریب میں شرکت کی جہاں نے انہیں انکشاف کیاکہ وہ ایک پروجیکٹ پر کام کررہے جو ممکنہ طور پر ایکشن فلم ہوگی۔
انہوںنے کہاکہ اس ایکشن فلم کیلئے پہلا انتخاب میرا بھائی سلمان خان ہے تاہم اس کردار کو میرے بھائی کیلئے مناسب بھی ہونا چاہیے۔سہیل خان نے خبردار کیاکہ سلمان خان اگرچہ میرے بھائی ہیں تاہم وہ نہایت پروفیشنل ہیں،یہ ان پر منحصر ہے کہ وہ اس کردار کو پسند یا ناپسند کرتے ہیں، مجھے اس پروجیکٹ سے بہت زیادہ توقعات ہیں اور میں اس کیلئے سلمان خان سے رابطہ کروں گا اور جب آپ سلمان کے ساتھ فلم بنانا چاہتے ہیں تو فلم سے توقعات بڑھ جاتی ہیں۔سلمان خان اور سہیل خان اس سے قبل ہیلو برادر، جے ہو اور پیار کیا تو ڈرنا کیا جیسی فلموں میں ساتھ کام کرچکے ہیں۔
