ممبئی (این این آئی)لیجنڈری بھارتی گلوکارہ لتا منگیشکر کے ٹوئٹر اکاؤنٹ پر موت کے ایک ماہ بعد ٹوئٹ شیئر کیا گیا ہے۔لتا منگیشکر کے آفیشل ٹوئٹر اکاؤنٹ سے ان کے ایک کنسرٹ کی ویڈیو شیئر کی گئی جس میں انہیں اپنی سْریلی آواز کا جادو جگاتے

سْنا جاسکتا ہے۔01 منٹ اور 21 سیکنڈ کی ویڈیو شیئر کرتے ہوئے ٹوئٹ میں لکھا گیا کہ ’آواز، رونق، سادگی اور مسکراہٹ، ہمیشہ زندہ رہے گی۔لتا منگیشکر کے ٹوئٹر اکاؤنٹ سے ٹوئٹ سامنے آنے کے بعد مداح ملی جْلی کیفیات میں مبتلا ہیں، کوئی خوشگوار حیرت میں مبتلا ہوگیا ہے تو کوئی خوشی کا اظہار کررہا ہے۔خیال رہے کہ گزشتہ ماہ بھارتی لیجنڈری گلوکارہ لتا منگیشکر 92 سال کی عْمر میں ممبئی کے بریچ کینڈی اسپتال میں انتقال کرگئی تھیں۔ انتقال سے کئی روز قبل ناساز طبیعت کے باعث وہ اسپتال میں ہی زیر علاج تھیں، اپنی زندگی کی آخری سانس انہوں نے اسپتال میں ہی لی۔لیجنڈری گلوکارہ کی سرکاری اعزاز کے ساتھ آخری رسومات ادا کی گئی تھیں۔