لاہور( این این آئی)خوبرواداکارہ صبور علی نے کہا ہے کہ انشا اللہ اس بار ٹی ٹونٹی ورلڈ کپ کا چمپئن پاکستان ہی ہوگا، ویسے تو ہمارا فائنل روایتی حریف بھارت کے ساتھ میچ کی صورت میں ہو گیا ہے ۔ ایک انٹرویو میں انہوںنے کہا کہ پاکستان نے جس طرح ٹورنامنٹ میں شاندارکارکردگی کا مظاہرہ کیا ہے اس سے سوفیصد امید ہے کہ پاکستان دوبار ہ یہ ٹائٹل جیت جائے گا

،پاکستانیوں کی سب سے زیادہ دلچسپی پاکستان اوربھارت کے ٹاکرے میں تھی اور قومی شاہینوںنے پاکستانیوںکے سرفخر سے بلند کر دئیے ۔ انہوں نے کہا کہ ہم اپنے کھلاڑیوںکو کامیابی پر تو تحسین پیش کرتے ہیں لیکن شکست پر دلبرداشتہ ہو جاتے ہیں ،ایسا نہیں ہونا چاہیے بلکہ ہمیں اپنی ٹیم کا حوصلہ بڑھانا چاہیے تاکہ وہ مزید لگن اورجذبے سے کھیلیں اور ہماری توقعات پر پورا اتریں۔