لاہور (این این آئی)ناموراداکارہ و گلوکارہ شاہدہ منی نے کہاہے کہ محدود وسائل کے باوجود پاکستان کی فلم انڈسٹری نے بھارت کی انڈسٹری کامقابلہ کیا،ڈرامہ انڈسٹری میںبھارت ہم سے بہت پیچھے تھا اور اس نے ہمیں دیکھ کر ہی ڈرامے بناناشروع کئے لیکن وہ ہمارے ڈراموں کو مات نہیں دے سکا۔ایک انٹرویو میں شاہدہ منی نے کہا کہ پاکستان ٹیلی وژن کے شاہکار ڈرامے بھارت کی پونا یونیورسٹی میں فن اداکاری سیکھنے والوں کو دکھائے جاتے ہیں جو یہ ثابت کرتا ہے ہم اس میدان میں بھارت پر سبقت رکھتے ہیں۔ انہوں نے کہاکہ پاکستان گلوکاری کے میدان میںبھی بھارت سے بہت آگے ہے اور بھارت میں ہمارے گلوکاروں کو بے حد پسند کیا جاتاہے ۔