نیو دہلی،ممبئی (یواین پی، این این آئی)سوشل میڈیا پر نیو دہلی میں کلب کے باہر جھگڑے کی ویڈیو تیزی سے وائرل ہورہی ہے جس میں چند افراد ایک شخص کو بری طرح پیٹ رہے ہیں جب کہ سوشل میڈیا صارفین کا کہنا ہے کہ یہ شخص اجے دیوگن ہیں۔ جھگڑے میں اجے دیوگن کو
بری طرح مارا اور پیٹا گیا ہے کیوں کہ انہوں نے کسانوں کے احتجاج پر خاموشی اختیار کی۔دوسری جانب اجے دیوگن کے ترجمان کے مطابق خبریں بے بنیاد ہیں، ویڈیو میں نظر آنے والا شخص اجے دیو گن کا ہم شکل ہوسکتا ہے تاہم اداکار کا اس لڑائی سے کوئی تعلق نہیں ہے۔دوسری جانب بھارت کے مشہور پنجابی گلوکار دلجان ایک خوفناک کار حادثے میں جاں بحق ہوگئے ۔بھارتی میڈیا رپورٹس کے مطابق دلجان گزشتہ رات امرتسر سے کرتارپور جارہے تھے جہاں جنڈیالہ گرو کے قریب ان کی گاڑی خوفناک حادثے کا شکار ہوگئی۔بھارتی میڈیا کا بتانا ہے کہ جنڈیالہ گرو کے قریب دلجان کی گاڑی تیز رفتاری کے باعث ٹرک سے جا ٹکرائی جس کے نتیجے میں گلوکار موقع پر ہی دم توڑگئے۔میڈیا رپورٹس کے مطابق دلجان کی فیملی کینیڈا میں مقیم ہے اور حادثے کے وقت وہ گاڑی میں اکیلے تھے۔گلوکار کی اچانک موت نے مداحوں کو بھی گہرے صدمے میں مبتلا کردیا ہے جس کا اظہار وہ دلجان کی آخری سوشل میڈیا پوسٹ پر کمنٹ کے ذریعے کررہے ہیں۔خیال رہے کہ دلجان کی کچھ روز قبل شیئر کی گئی انسٹاگرام پوسٹ کے مطابق ان کے نئے گانے جلد ریلیز کیے جانے تھے۔
Not really sure if this is #ajaydevgan or not but #Kisanektamorcha agitation seems to be spreading up. Social media floating with this video that drunk @ajaydevgn got beaten up?? #RakeshTikait pic.twitter.com/Fv8j0kG5fv
— lalit kumar (@lalitkumartweet) March 28, 2021
