کراچی (این این آئی)پاکستان شوبز انڈسٹری کی مقبول ترین اداکارہ صبا قمر بھی اپنے ہونے والے شوہر عظیم خان کا ساتھ دینے میدان میں آگئیں۔حال ہی میں صبا قمر کی ایک مداح نے اپنی انسٹاگرام اسٹوریز کے ذریعے ان کے ہونے والے شوہر عظیم خان پر سنگین الزامات عائد کیے تھے۔ان الزامات پر
ردعمل دیتے ہوئے عظیم خان نے گزشتہ روز اپنے آفیشل انسٹاگرام اکاؤنٹ پر خصوصی ویڈیو پیغام جاری کیا تھا۔عظیم خان نے خود پر لگائے گئے الزامات کی تردید کرتے ہوئے کہا تھا کہ ‘الزامات لگانے والوں کے لیے یہ میرا جواب ہے، اب میرے خلاف رپورٹ کروائو اور وہ رپورٹ سوشل میڈیا پر پوسٹ کرو۔اْنہوں نے کہا تھا کہ ‘اس کے بعد ہی میں آپ کی بات کا جواب دوں گا، آج کے بعد میں آپ کے کسی بھی الزام کا جواب اس وقت تک نہیں دوں گا جب تک آپ باقاعدہ اور منظم طریقے سے مجھ سے بات نہیں کرتے۔عظیم خان کے اس ردعمل پر جہاں سوشل میڈیا صارفین نے اْن کا ساتھ دیا تو وہیں اْن کی ہونے والی اہلیہ و اداکارہ صبا قمر بھی کسی سے پیچھے نہ رہیں۔صبا قمر نے عظیم خان کی پوسٹ کمنٹ کرتے ہوئے لکھا کہ ‘مجھے تْم پر بھروسہ ہے۔اداکارہ نے اپنے کمنٹ میں دل والے ایموجی کا بھی اضافہ کیا۔صبا قمر کے اس کمنٹ کے بعد یہ واضح ہوا ہے کہ اداکارہ کو لوگوں کی پرواہ نہیں کیونکہ وہ اپنے ہونے والے شوہر پر بہت بھروسہ کرتی ہیں۔خیال رہے کہ صبا قمر نے گزشتہ دنوں ہی اس بات کی تصدیق کی تھی کہ وہ بہت جلد عظیم خان کے ساتھ رشتہ ازدواج میں منسلک ہونے والی ہیں۔
