لاہور(آن لائن) خواتین کو بے آبرو کرنے والے ملزمان کو نامرد کرنے کیلئے حکومت کی طرف سے کیے گئے قانون سازی کے اعلان کا مذاق اڑانے پر اداکارہ عفت عمر تنقید کی زد میں آگئیں۔ تفصیلات کے مطابق اس حوالے سے سوشل میڈیا صارفین

کی طرف سے عفت عمر کے بیان کی مذمت کی جارہی ہے جس میں انہوں نے عصمت دری کے ملزمان کو دی جانے والی سزاؤں کے حوالے سے حکومتی تجاویز کا مذاق اڑایا۔ ٹویٹر پر ایک صارف جواد بٹ نے سوالیہ انداز میں لکھا کہ صرف ریٹنگ کیلئے خواتین بھی اتنی گر سکتی ہیں؟۔ ایک اور صارف محمد فیصل بھٹی نے عفت عمر کے اس فعل کو ہلکی حرکت قرار دیا۔ ایک صارف ابراہیم خان نے تو یہ تک لکھ دیا کہ عفت عمر وہ حقوق چاہتی ہیں جو انہوں نے راحت کاظمی کے گلے لگ کر پورے کیے۔ واضح رہے کہ اداکارہ عفت عمر نے سوشل میڈیا پر جاری کیے گئے اپنے بیانات میں کہا تھا کہ جب الیکشن کا وقت آئے گا تو سیاستدان اپنا منشور بیان کریں گے اور پیپلزپارٹی کے چیئرمین بلاول بھٹو زرداری کہیں گے اتنی مشکلات کے باوجود ہم نے جمہوریت کا ساتھ نہیں چھوڑا، ہم نے اپنے لوگوں کی خدمت کی، اس لیے ووٹ ہے تیر کا۔

موضوعات:اداکارہ عفت عمر