اسلام آباد(مانیٹرنگ ڈیسک)معروف اداکارہ عفت عمر کا متنازعہ بیان بھی سوشل میڈیا پر وائرل ۔تفصیلات کے مطابق سوشل میڈیا پر ایک کلپ تیزی سے وائرل ہو رہا ہے جس میں عفت عمر کہتی ہیں کہ اداکار راحت کاظمی میرے والد کا کردار ادا کر رہے تھے۔میں نے ان کے ساتھ بہت جھپیاں ڈالی تھیں اور میں ان کے ساتھ جھپیاں ڈالنے کے لیے ری ٹیکس کرواتی تھی۔
عفت عمر نے مزید کہا کہ اگرچہ راحت کاظمی میرے والد کا کردار ادا کر رہے تھے لیکن میں اپنا ٹھرک پورا کر رہی تھی۔عفت عمر کے اس بیان پر پروگرام میں موجود مہمان قہقہے لگاتے رہے۔سوشل میڈیاصارفین نے عفت عمر پر سخت تنقید کرتے ہوئے کہا جو الفاظ عفت عمر نے بولے ہیں اگر یہی کوئی مرد ااداکار کہتا تو ہنگامہبرپا ہو جاتا۔یاد رہے کہ عفت عمر کا شمار ان اداکارائوں میں ہوتا ہے جو می ٹو مہم کی حامی رہی ہیں،یہی وجہ ہے کہ ان کو اس بیان کے بعد منفی ردِعمل کا سامنا کرنا پڑ رہا ہے۔یاد رہے کہ گزشتہ روز معروف اداکار نعمان اعجاز کا بھی ایک کلپ وائرل ہوا تھا جس میں ان کا کہنا تھا کہ ہم آرٹسٹ لوگ بہت زیادہ عاشق مزاج ہوتے ہیں۔میرا بے انتہا دفعہ دل پھسلا ہے۔مجھے تو راہ چلتے کوئی لڑکی پسند آ جاتی ہے اور میں اس چیز کو کنٹرول بھی نہیں کرتا۔ نعمان اعجاز مزید کہتے ہیں کہ مجھے تو ہر لمحہ اور روزانہ محبت ہوتی ہے۔میں بہت زیادہ محبت کرنے والا شخص ہوں۔مجھے خوبصورت اور مشکل خاتون سے ہی سب سے زیادہ عشق ہوتا ہے۔انہوں نے مزید کہا میں بہت اچھا اداکار اور ذہین شخص ہوں یہاں تک کہ میں اپنی بیوی کو بھی نہیں پتہ چلنے دیتا،جن سے عشق کرتا ہوں ان کے خاوندوں کو بھی پتہ نہیں چلتا۔
