اسلام آباد(مانیٹرنگ ڈیسک)قومی ٹیم کے کپتان بابر اعظم ایک بہترین کھلاڑی ہیں جن کا شمار دنیا کے بہترین بلے بازوں میں ہوتا ہے ۔ گزشتہ سالوں میں انہوں نے مداحوں کا بہت حد تک دل جیتا اور اپنی محنت کے باعث وہ قومی ٹیم کے کپتان بھی بنے ۔ اس وقت دنیا کے بڑے بڑے بلے بازوں میں ٹی ٹوئنٹی کے میدان میں وہ نمبرون پر براجمان ہیں اور جبکہ وہ ون ڈے اور ٹیسٹ فارمیٹ میں ٹاپ 5 میں شامل ہیں۔ان کی فین فالونگ اس وقت بلندیوں
کو چھو رہی ہے ۔ حال ہی میں ایک ٹی وی چینل پر ٹاک شو میں پاکستانی خوبرو ادکارہ نیلم منیر سے نےبابر اعظم کو اپنا جیون ساتھی بنانے کی خواہش کا اظہار کیا ہے ۔ ٹی وی اینکر نے 35سالہ اداکارہ نیلم منیر سے سوال پوچھا کہ اگر بابر اعظم ان سے پسندیدگی کااظہار کریں تو وہ کیا کریں گی جس کا جواب دیتے ہوئے پاکستانی اداکارہ نے کہا بابر اعظم کو مجھے تجویز کرنے کی ضرورت نہیں بلکہ میں خود ہی ابھرتے ہوئے ستارےسےشادی کرنا چاہوں گی۔
