ممبئی (این این آئی) بالی ووڈ کے معروف اداکار ہریتھک روشن نے کہا ہے کہ ٹائیگر شروف ہی وہ واحد اداکار ہے جو میرے مدمقابل کھڑا ہوسکتا ہے۔ ایک انٹرویومیں بالی ووڈ سٹار ہریتھک روشن نے کہا کہ فلموں میں زیادہ تر ہیرو کے کردار کے بعد میں اب کچھ مختلف کام کرکے لطف اندوز ہونا چاہتا تھا اور یہی وجہ ہے کہ میں نے یش راج کے بینر تلے بننے والی فلم کا انتخاب کیا جس میں میرے ساتھ ٹائیگر شروف بھی اداکاری کے جوہر دکھائیں گے۔ہریتھک روشن نے کہا کہ قابل اورسپر 30جیسی
فلموں کے بعد میں کسی ایسے اداکار کے ساتھ کام کرنا چاہتا تھا جس کی اداکاری اورایکشن لاجواب ہوں اوریہ چیز میں نے ٹائیگرشروف میں دیکھی اورایسا لگا کہ ٹائیگر ہی وہ اداکار ہے جو میرے مدمقابل کھڑا ہوسکتا ہے۔ ہریتھک نے کہا کہ ٹائیگر کے ایکشن اوراداکاری نے میرے اندر کے اداکار کو مزید جگایا۔واضح رہے کہ ہریتھک روشن اور ٹائیگر شروف ان دنوں یش راج کی پروڈکش میں بننے والی ایکشن سے بھرپور فلم میں کام کر رہے ہیں جوکہ اگلے سال سنیما گھروں کی زینت بنے گی۔
