ممبئی (این این آئی)بالی ووڈ سپر اسٹار شاہ رخ خان کی اہلیہ گوری خان نے کہاہے کہ وہ ایک سپر سٹار اداکار کی بیوی ہیں اس کے باوجود انہیں ہمیشہ زندگی میں مثبت نتائج کا سامنا رہا ہے۔بھارت کی معروف انٹیریئر ڈیزائنر گوری خان نے اپنی کتاب کی رونمائی تقریب کے دوران

میڈیا سے گفتگو کرتے ہوئے کہا کہ شاہ رخ خان ایک بہترین باپ اور شوہر ہیں، انہوں نے کہا کہ ایک سپر اسٹارکی بیوی ہونے کے باوجود انہیں کبھی بھی زندگی میں منفی نتائج سے دوچار نہیں ہونا پڑا۔ایک سوال کا جواب دیتے ہوئے گوری خان نے کہا کہ ’میں جانتی ہوں میں کس کی بیوی ہوں اور شاہ رخ خان کون ہیں۔ سپر اسٹار کی بیوی ہونے کے ناطے سے مجھے اکثر منفی نتائج کا سامنا بھی کرنا پڑجاتاہے لیکن میں ہمیشہ صرف مثبت باتوں کو ترجیح دیتی ہوں جبکہ منفی چیزوں کو اپنی زندگی سے نکال دیتی ہوں اور انہیں کسی اختلاف کی وجہ نہیں بننے دیتی۔گوری خان نے مزید کہا کہ شاہ رخ ہر طرح سے میرا بہت خیال رکھتے ہیں، مجھے کبھی بھی اس بات کا احساس نہیں ہوا کہ میں اتنے بڑے اداکار کی بیوی ہوں۔ شاہ رخ خان نے گوری خان ڈیزائنز کو لانچ کرنے میں میرا بھرپور ساتھ دیا ہے، وہ میرے لئے بہت اہمیت رکھتے ہیں۔انہو ں نے کہا کہ شاہ رخ خان نے اپنی فیملی کیلئے بہت کچھ کیا ہے، وہ ایک بہترین باپ اور شوہر ہیں۔کنگ خان کی اہلیہ نے کہا کہ مجھے ایسالگتا ہے میں ایک نارمل خاتون کی طرح زندگی گزار رہی ہوں، اور جیسے باقی خواتین کام کرتی ہیں میں بھی ویسی ہی اپنا کام کرتی ہوں۔انہوں نے کہا کہ میں صرف میڈیا کا استعمال اْس وقت کرتی ہوں جب مجھے اپنا کام منظر عام پر لانا ہوتا ہے اور میں سمجھتی ہوں کہ میڈیا کا اس کیلئے ہونا بہت ضروری ہے۔