ممبئی(این این آئی) بالی ووڈ کی باربی ڈول کترینہ کیف نے ہالی ووڈ میں بھی جلوے بکھیرنے کی خواہش ظاہر کر دی ۔بھارتی میڈیا رپورٹس کے مطابق بالی ووڈ میں کامیابی کے جھنڈے گاڑھنے والی باربی ڈول کے نام سے مشہوراداکارہ کترینہ کیف نے اب ہالی ووڈ میں انٹری کیلئے خواہش ظاہر کر دی ۔ رپورٹس کے مطابق پریناکا
اوردپیکا کے بعد اب اداکارہ ہالی ووڈ کے پراجیکٹ میں کام کرنے میں دلچسپی رکھتی ہیں۔ اداکارہ اسکرپٹ پڑھنے کے بعد فیصلہ کریں گی کہ انہیں کسی بھی ہالی ووڈ پراجیکٹ میں کام کرنا ہے یا نہیں۔رپورٹس کے مطابق اداکارہ پچھلے دنوں ’فاکس اسٹوڈیوز‘ کے مالکان سے رابطے میں تھیں جبکہ یہ افواہیں بھی گردش کررہی تھیں کہ وہ ہالی ووڈ فلم ایونجرز کے اسٹار’جیریمی رینر‘ کے ساتھ کوئی پراجیکٹ کرنے جارہی ہیں۔
