لاہور( این این آئی) نامور کامیڈین افتخار ٹھاکر نے کہا ہے کہ کسی بھی شعبے میں کامیابی پلیٹ میں رکھ کر نہیں ملتی بلکہ اس کے لئے بڑے پاپڑ بیلنا پڑتے ہیں ، شوبز میں آنے سے پہلے کئی شعبوں میں قسمت آزمائی کی لیکن مجھے لوگوں کے چہروں پر ہنسی بکھیر کر رزق اور شہرت ملنا تھی ۔خصوصی گفتگو کرتے ہوئے افتخار ٹھاکر نے کہا کہ میرا ایمان کی حد تک یقین ہے کہ انسان نیک نیتی اور لگن سے محنت کرتا رہا اسے اس کی اصل منزل

ضرور ملتی ہے اور میں اس کی زندہ مثال ہوں ۔ انسان کو صبر اور شکر کرنے والا ہونا چاہیے کیونکہ خدا کی ذات کو یہ صفت بڑی پسند ہے ۔ افتخار ٹھاکر نے نے بتایا کہ پاکستانی اور بھارتی فنکاروں پر مشتمل فلم ’’ لائیے جے یاریاں ‘‘ آئندہ ماہ ریلیز ہو گی جس کاموضوع گھر سے دوری اور پردیس کی مشکلات ہیں۔فلم میں میرے سمیت تمام فنکاروں نے اپنے کرداربہترین طریقے سے نبھانے کی کوشش کی ہے اورمجھے امید ہے کہ یہ فلم دیکھنے والوں کو ضرورپسند آئے گی ۔