لاس اینجلس ( آن لائن)اداکار کرس ہمسورتھ کا کہنا ہے کہ ڈپریشن سے لڑتے ہوئے انہوں نے بہت کچھ سیکھا۔ ذرائع ابلاغ کے مطابق اداکار کرس ہمسورتھ نے اپنی ڈپریشن بیماری پر پہلی مرتبہ بات کرتے ہوئے کہا کہ ہر شخص کو ویسے ہی دکھنا چاہیے جیسے وہ ہے اور مجھے یہ کہتے ہوئے شرم نہیں
محسوس ہوتی ہے کہ میں ڈپریشن کی بیماری کا شکار ہوں اور اس سے ابھی تک لڑتا آ رہا ہوں۔ ان کا ایک سوال کے جواب میں کہنا تھا کہ مجھے اس بات کی خوشی ہے کہ اس بیماری کو مثبت طریقے سے لیتے ہوئے میں نے بہت کچھ اچھا سیکھا ہے بلکہ اس نے مجھے مزید بہادر اور مضبوط بنادیا ہے۔
