لاہور(این این آئی)نامور اداکار ‘ فہد مصطفیٰ نے کہا ہے کہ میں اداکارہ ماہرہ خان کو پیار سے باجی کہہ کر مخاطب کرتا ہوں ،عجیب اتفاق ہے کہ ہم دونوں کسی پراجیکٹ میں اکٹھے کام نہیں کر سکے ۔ ایک انٹر ویو میں ‘ فہد مصطفیٰ نے کہا کہ ماہرہ خان پاکستان کی سپر سٹار ہیں ۔ ماہرہ خان بالی ووڈ کنگ

شاہ رخ کے مد مقابل بھی کام کر چکی ہیں اور وہ بھارت میں بھی اسی طرح مقبول ہیں جس طرح پاکستان میں ان کی شخصیت کو جانا جاتا ہے ۔ ‘ فہدمصطفیٰ نے کہا کہ ماہرہ خان نے محنت اور فن کے بل بوتے پر فلم انڈسٹری میں منفرد مقام بنایا ہے اور نئے آنے والوں کوبھی ان کی پیروی کرنی چاہیے ۔