ممبئی (این این آئی)لاکھوں کروڑوں دلوں پر راج کرنیوالے بالی ووڈ کنگ شاہ رخ خان کافی پینے دبئی پہنچ گئے جہاں اْن کی اپنی ہی تصویر کی کافی پیتے ویڈیو وائرل ہوگئی ہے۔بھارتی میڈیا کے مطابق کنگ خان دبئی کی ایک مشہور کافی شاپ پہنچے جہاں انہوں نے کافی آرٹ کا فائدہ اٹھایا اور اپنی تصویر کافی کے
کپ پر نہ صرف بنوائی بلکہ خوب مزے سے وہ کافی پی بھی۔سوشل میڈیا پر کنگ خان نے اپنی تصویر والی کافی پیتے ہوئیویڈیو شیئر کی ہے جس پر مداحوں کی جانب سے دلچسپ تبصرے بھی کئے گئے ہیں۔یہ ویڈیو اب تک لاکھوں مداح نہ صرف دیکھ چکے ہیں بلکہ کنگ خان کی کافی خود بھی پینا چاہتے ہیں۔
